Regalong Skills Training sa Residente ng Villa Aurora, Ipinagkaloob

MARIA AURORA, Aurora-Ipinagkaloob  ang libreng skills training sa mga residente ng Bgy. Villa, Maria  Aurora bilang regalong handog nitong nagdaang pasko sa pamamagitan ng pagsasama sama ng ibat-ibang sektor sa Aurora sa pangunguna ng DZJO 101.7 Spirit FM ng Catholic Media Network at ng Skills Caravan Movement Philippines, isang Non-Government Organization (NGO) na nagsasagawa ng mga pagsasanay sa mga Out of School Youth at walang hanapbuhay.

Ito ay bilang bahagi din ng paggunita sa ika-10 taon ng malagim na landslide na bumura sa Brgy Villa at kumitil ng 12 katao.

Sinimulan ang aktibidad sa pamamagitan ng motorcade patungo sa gitna ng kabundukan kung saan naroroon ang  naturang lugar at sinundan ng tree planting activity katuwang ang Departmant of Environment and Natural Resources, Philippine National Police, Armed Forces of the Philippines, Bureau of Fire Protection at  iba pang mga sektor.

Sa huli, ang Skills Training na nagsilbing malaking impact naman sa mga mamayan na walang pinagkakakitaan at  nakapagbukas naman sa bagong oportunidad  upang magkaroon ng bagong hanapbuhay sa halip na pagkakaingin,pag uuling na syang pangunahing sanhi ng baha at landslide sa mga kabundukan.

Nakatakdang isagawa ang pagtatapos ng mga nagsanay sa darating na biyernes, January 9, 2014 kasabay ng pag-gawad ng solar power system sa Elementary school at high school na pawang walang kuryente sa matagal ng panahon.

Umaasa naman ang mga organizer at ang taga-pagsanay ng Skills Caravan Movement Philippines Incorporated (Leonilo Beltran at partner-Solar Project Initiative Mr. Frederick Epistola) na makakakuha pa ng mga sponsors upang madagdagan ang solar power system donation para mas higit na mapaliwanagan ang buong paaralan. (Leonilo Beltran with Reports from the Central Luzon Media Association)