BALER, Aurora-Inumpisahan na kaninang umaga ang Business-One-Stop-Shop sa bayang ito para sa pagkuha ng Mayor’s Permit ng mga negosyante para sa loob ng isang taon.
Ang nasabing aktibidad ay isa sa pangunahing programa ni Baler Mayor Nelianto “Pilot” C. Bihasa at ng pamahalaang bayan ng Baler upang mapadali ang pag-aayos ng lahat ng uri ng negosyo na naayon sa batas.
Ito ay sinimulan kanina at inaasahang matatapos sa January 30, 2015 na ginanap sa 1st Floor, Executive Bldg. Municipal plaza, Baler, Aurora.
Nanguna sa pagpaparehistro kanina si Sangguniang Bayan Member Pedro Pandus Valenzuela na sinundan din ng iba pang mga negosyante.
Nabatid na tuwing panahon ng pagpaparehistro ng mga negosyo ay palaging nangunguna sa pag-aasikaso si Valenzuela.
“Saludo po kami kay Kon. Valenzuela, napakasipag po at napakabilis niya pagdating sa responsibilidad nito sa maagap na pagbabayad ng buwis sa bayan pong ito. Taun-taon po ay nangunguna po palagi siya sa listahan ng munisipyo,” paliwanag ng isang empleyado na hindi na nagpabanggit ng kanyang pangalan.
Ang programa ay maguumpisa umano tuwing ika-8 ng umaga at matatapos ng ika-5 ng hapon.
Sa iisang lugar matatagpuan ang mga ahensiya ng Bureau of Fire Protection, Municipal Environment and Natural Resources Office, Municipal Health Office, municipal treasurer office, babayarang sedula at iba pang kailangan ng mga negosyante. (Bagong Aurora Website ng Bayan)
Bagong Aurora Website ng Bayan 
Disclaimer: The comments uploaded on this website do not necessarily represent or reflect the views of management and owner of "Bagong Aurora Website ng Bayan". All feedbacks sent to the site and all articles submitted to it are considered property of Bagong Aurora Website ng Bayan. Such feedback may be posted on the site or used in other mediums. If you wish to reproduce, republish, upload, post, transmit, modify, distribute or publicly perform or display material from this site, you must first obtain written permission from Bagong Aurora Website ng Bayan through its Publisher and/or Editor in Chief for reprinting and syndication costs and agreements. You may view and download material from this site for your personal, non-commercial home use only. The Bagong Aurora Website ng Bayan Columnist/s opinionated in this site redound to his/her own perspective only and not the whole group. Only the columnist/s are held liable in his own opinion for whatever he would like to emphasize. (Bagong Aurora Website ng Bayan, Editor-in-Chief )